Retten til rettferdiggjering i utmarka

Abstract

I dette forskingsessayet viser eg korleis utmarka har vore, og er, ein del av basisstrukturen i mange lokalsamfunn i Norge. Utmarka er i endring, og med dette vil basisstrukturane i samfunnet også endre seg. Eg viser korleis utmarka rundt heimplassen min på Nordmøre har vore ein viktig del av lokalsamfunnet, av gardsdrifta og av kvardagen til folk – i fortid og notid. Deretter let eg blant anna nokre sentrale tenkjarar frå samfunnsvitskapen, gjennom nokre små tankeeksperiment, møte og bli kjent med den norske utmarka. Desse møta viser at rettferd i utmarka ikkje berre handlar om fordeling av rettar til ressursar, men like mykje om kva for plass ulike aktørar og interesser skal få ha i utmarkas basisstrukturar, og dermed korleis produksjonen av rettferd skal gå føre seg. Dette handlar om retten til å rettferdiggjere seg og sine interesser i utmarka i ei tid der samtalar om utmarka i stadig større grad dreier frå retten til ein definert bruk mot retten over eit definert areal.

In this personal research essay, I explore how the outfields (utmarka) have been and continue to be a fundamental part of the basic structure in many local communities in Norway. As the outfields undergo changes, so will the basic structures of the surrounding local communities. I illustrate how the outfields around the place I grew up have been an important part of the local community, agricultural practices and everyday life – both historically and presently. I engage with some key social science thinkers, and through thought experiments let them get to know the Norwegian outfields. These encounters reveal that justice in the outfields is not solely about distributing rights to resources, but also about determining the roles various actors and interests should play in the basic structures of the outfields. This pertains to the right to justify oneself and one's interests and rights, particularly in a time when discussions increasingly shift from the right to a defined use toward the right over a defined area.